أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الثلاثاء، 28 مايو 2019

المسحراتي (. ٢٤ ) للشاعر مصطفى فريد

الحلقة ( الرابعة والعشرون ) من المسحراتي 
من ديوان / ولسه الفؤاد عطشان 
للشاعر مصطفى فريد (. ٢٤ )

تتر ٠٠٠
مسحراتى داير أنادى 
فى كل وادى اقول ياهادى 
أحرس ولادى وانصر بلادى
على الاعادى والطماعين

نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين

نقلة ٠٠
حيوا أزهرنا الشريف. 
العفيف حتى الصباح. 
الفكر قبله كان مخيف. 
طهره بعد الكفاح. 
ألف عام يامسلمين.

المعز بناه بفكره. 
وجوهر قام حط الأساس. 
لأجل تقريب المذاهب. 
فى الفقه بس بدون مساس. 
أزهرى وسطى بيقين.

أزهرى علم وقياده. 
فى الرياده مالوش مثيل. 
حاصل على اعظم شهاده. 
وسطيته أكبر دليل. 
ضد الغزاة الملحدين.

فيناله ٠٠
بانادى دايما الله ربى وهادى قلبى
فى كل وقت وكل حين

ادعى لربك يغفر لذنبك
ويخف جرحك ويعم فرحك
وتروق ملامحك 
ويمد لينا شهره الكريم

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.