أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الخميس، 30 مايو 2019

المسحراتي (. ٢٦ ) بقلم الشاعر مصطفى فريد

الحلقة ( السادسة والعشرون ) من المسحراتي 
من ديوان / ولسه الفؤاد عطشان 
للشاعر مصطفى فريد (. ٢٦ )

تتر ٠٠٠
مسحراتى داير أنادى 
فى كل وادى اقول ياهادى 
أحرس ولادى وانصر بلادى
على الاعادى والطماعين

نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين

نقلة ٠٠
من فوق جبل عرفات. 
دعيت لرب الكون. 
تتحقق الدعوات. 
بحق كن فيكون. 
إقبلنى مع التايبين.

اقبل طواف مسكين. 
وسعيه ليك ياكريم. 
أمله يملى العين. 
بصلاته فى الحرمين. 
بحق طه الزين.

بين الصفا والمروة. 
أرواح بتسعى وحره. 
قلبى انتشى كام مره. 
فرح وهنا ومسره. 
مع فرحة الساعيين.


فيناله ٠٠

بانادى دايما الله ربى وهادى قلبى
فى كل وقت وكل حين

ادعى لربك يغفر لذنبك
ويخف جرحك ويعم فرحك
وتروق ملامحك 
ويمد لينا شهره الكريم

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.