مين الى قالك انى حبيتك
_________________
انا كنت كداب لما قلت باحبك
لاعمرى حبيتك ولاعشقتك
ولااشتقت لعيونك ولا صوتك
ولالمسة اديكى ولا حسك
مين الى قال انك جميله
ولا حلوه واغتريتى بحلاوتك
كل اللى قالك حلوه خدعوك
وانا كنت اولهم
لاشفت منك خير ولا دقته
ما شفت غير الشقا ودا عشته
قلت اتحمل المر يمكن افوز بيك
واليوم ورى اليوم يمر
ولافزت يوم بيكى
قالو انك اجمل وارق مافى الكون
خلونى حبيتك لاكون حبيبك يوم
لكن ماشفت الحب ومادقت غير اللوم
عرفت انك كدبه ولا عمره ييجى اليوم
انك تحبينى زى ماحبيتك
ولا اطول منك زى ماانا اديتك
وندمت انى فى يوم انا كنت حبيتك
_________________________
شعر/محمود عبد المتجلى عبد الله .
٢٤/٩/٢٠١٧
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.