قتلتى الحلم جوايا
وأنا ماشي لكن ميت
بقيت خالى من الأوجاع
رنين الحلم لن يصمت
مريت بألف ألف خداع
قاومت كتير لكني تعبت
صمدت ف كل وقت نزاع
وأتمسك بالحلم وأتبت
لكنك غاوى تعيش صراع
على بذره ما بتنبت
لبستنى توب الضياع
كاسات الظلم أنسكبت
وظهرت فيك كل الأوضاع
اللى أهلك عليها ربت
رفضت أنى أكون منصاع
لقلوب بالكذب نبضت
حاولت ألملم الأوجاع
أوجاعى لأحلامى رفضت
وقولت لدنيتك وداع
ودموعى بالأسى نزفت
ياأهل الظلم ليكم باع
وقتل الأحلام علينا أنكتبت
ألقتنى فى قاع القاع
وعيونك ليا مانظرت
لقيتك للوفا بياع
ونظرتي ليك ما كذبت
( أسامه جديانه)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.