الحلقة ( التاسعة ) من المسحراتي
من ديوان / ولسه الفؤاد عطشان
للشاعر مصطفى فريد (. ٩. )
تتر ٠٠٠
مسحراتى داير أنادى
فى كل وادى اقول ياهادى
أحرس ولادى وانصر بلادى
على الاعادى والطماعين
نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين
نقلة ٠٠٠
أخويا عربى ودربه دربى
. مصرى وسورى قطرى سودانى.
تونسى وليبى. يمنى كويتي
مغرب عمانى.
أعز عندى. من ضى عين
بغداد سعودي. بحرين جيبوتي.
قاعدين في قلبى. مربعين.
موريتاني منى. فلسطينى همي.
أردن وقمرى.
لبنان صومالى.
وجزايرى عاشقه. من سنين
تعالوا بينا. نشبك ايدينا.
ننسى خصامنا. ونعيش فى عيله
والحكم بينا. يكون قبيله.
ونشيل وطنا.
جون عنينا. وفجر بكره.
يصبح. يقين.
فيناله ٠٠
بانادى دايما الله ربى وهادى قلبى
فى كل وقت وكل حين
ادعى لربك يغفر لذنبك
ويخف جرحك ويعم فرحك
وتروق ملامحك
ويمد لينا شهره الكريم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.