قالوا
قالوا التُقل صنعه / انا قُلت مين قالها
شوفوا حبيبتى ياناس / والنظره وجمالها
شوفوا خطاويها / والرقه ودلالها
شوفوا لحن الغرام / فى لحن خُلخالها
شوفوا حُمره خجل / تسرى فى اوصالها
قالوا الهوى غلاب / أنا قُلت وايه يعنى
ده قلبى فتح له الباب / وياريته يسمعنى
وتعبت من الاحباب / والغُربه بتوجعنى
قالوا طريقه طويل /وهتمشى فيه وحدك
وتبكى نهار مع ليل / وتنسى يوم سعدك
ده انا قلبى لك بيميل / ولاقادر على بُعدك
قالوا كلام وكلام / خلانى اتحير
لكن حبيبتى جميله /سبحان من صور
انا قلت والله ياناس / عن حُبه ماهتغير
وانت حبيب الروح / اهجرنى لو تقدر
شعر أحمد اسماعيل / شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.