متغربين
متغربين / طول عمرنا
والغربه /ساكنه ف دمنا
عمر الزمان / ماضحك لنا
والشوك حصاده /فى ارضنا
متغربين
متغربين وبنجرى /ورا الفين طريق
والبحر قاسى / وانا وحدى عايش غريق
يادنيا الرحمه بنا /يادنيا ماكفاكى حريق
الحزن ساكن جنبنا / وكأنه لى اوفى صديق
متغربين
متغربين / طول السنين
وياما قاسينا / من الانين
الرحمه فين / فين الحنين
يادنيا ليه انتى كده / مالك ومال المحرومين
ياروحى ليه متنهده / انا وانتى دايما متغربين
شعر احمد اسماعيل / شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.