مســــافة
------
بقلمي - عادل عبد الرازق
----------------------
مسافة ...
بينّا مسافة
والمسافة لون الغيوم
وخطوة واحدة ونفترق
ومحروم يودذع محروم
الضياع مالي عينينا
والرعشة ماسكة إيدينا
وكل شىء حوالينا ..
بيشاور ناحية المفترق
مسافة ..
مسافة واحدة ونفترق
من الصعب جداً يا حبيبتي
دقيقة واحدة ننتظر
لازم نمدّ إيدينا
ونبدأ سلامنا وننكسر
ولا نسأل مين اللي خان
ولا نقول الزمان
ولا نلوم على القدر
ولا الحب اللي اتسرق
مسافة ..
مسافة واحدة ونفترق
إنتي وانا ..
مش لبعض
إنتي وانا ,,
حارة سدّ
ولا كانش لينا يدّ ..
لما البحر عشق الغرق
دلوقتي لازم ..
لازم نفترق
مسافة ..
مسافة واحدة ونفترق
---
عادل عبد الرازق
=========
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.