هي نظره مليانه شوق
لحظة غضبها
لحظة حنانها
حتي جنانها
والف اه لما تروق
احلي حروفها لمابتسكت
ولما تقول
بتكتب مشاعر
واكمني شاعر
بفهم سكوتها
وافهم عيونها
وافهم في الوجع
بلمس وجعها
ولما تشتاقلي
بيسبقني شوقها
ولما بتفرح
تحضن عيوني
الاقيني بلحظه
امسح دموعها
نظرة عيون
قلبي الصغير
طير فوق غصون
واحساسي ليها
بكل الحروف
اصل عشقي ليها
ميعرفش خوف
ويااااه علي الحنين
اللي ساكن رموشها
وياااه علي الانين
زاد مايزيد غرامه
حتي الانين
بعشق الامه
حتي شعري ليها
بعشق كلامه
حتي الصبح لازم
قبل مايطلع
بيدي تمامه
هي نظرة حلوه
بدوب لما اشوفها
واه لما المس
حتي لو بغلطه
اشوف خجلي فيها
واموت من كسوفها
نظره هي نظره
بس بالف نظره
وحنيه ويا شوق
وشوق بيجر شوق
وحرف يبقي كلمه
وكلمه ويا كلمه
اكتب احلي حروفي
ولولا ياناس كسوفي
لاقول اكتر واكتر
اصل حبيبتي نظره
نظرتها حنين معطر
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.