زجل عامي بعنوان
سوريا يا بلد الورد
بقلمي
...............................
سوريا يا بلد الورد
يا جنة الله بهالأرض
فيكي فجر الإنسانية
وإنتي الشرف وإنتي العرض
فيكي الطوائف إخوان
وإيد بإيد منسند بعض
رفعنا رايات السلام
والحب عنا سنة وفرض
................ّ..........
سوريا بلد الإنسان
وإنتي وطن الأبجدية
فيكي الأصالة عنوان
واسمك عالشمس المضوية
سوريا حصن الأمان
وبجيشا بتبقى قوية
وشامة على خد الزمان
بتقلع عين الصهيونية
.......................
رح نبني أسوار الود
ونبني لليوم وللغد
ورح يبقى إرث المحبة
ضمن البيت وملك اليد
ورح تبقى عنا الأخلاق
منورثها أبا عن جد
ومنحصن فيها الأبناء
ومنعلي رايات المجد
........................................
د . ملك محمود الأصفر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.