قصيده جديده بعنوان (((قلبى الابيض)))شعر \\\ تامرابوهيبه
أنا قلبى الأبيض لِسَاه أبيض
مابيعرفش سواد
وإنت قريبى وقلبك إسود
مليان بالاحقاد
تكره ايها خير بيجينى
حتى ولو محدود
وإن جانى شر بتفرح فيا
وتبقى عدو لدود
وإن حسيت مشوار خير ليا
تزرع ليا سدود
وم اعرف ايه السرفكرهك
وإللى مالوهش حدود
وكل حياتى ماشوفتش منك
غير ياقريبى جحود
نفسى احس ان احنا قرايب
فعل وقول ووجود
نفسى احس الحب مابينا
لو بس ف اعياد
واشعرمرًه الدنيا جميله
والحب بيزداد
أنا قلبى الأبيض لِسَاه أبيض
مابيعرفش سواد
وإنت قريبى وقلبك إسود
مليان بالاحقاد
شعر \\\تامرابوهيبه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.