ياريت تعودي ..
دا لما تمشي
يهرب النور من وجودي
يبقي عتمة
وامشي وحدي
ف سكة ضلمة
والقي غمة
مالية كل خطوة
بين حدودي
ياربت تعودي ..
تنوري كل مكان معتماه
تمحي جرحي
تمحي المي
تمحي اااااااه
ترجعي لليتيم
طعم الحياه
بدونك انا ..
بلبل اتحرم
من صوت غناه
ربابة مش لاقيه قوس
نغمها تاه
لحن متغرب
عن الوطن تاهت خطاه
ياريت تعودي ..
دا انا الفصيح بلا صوتك
صابني خرس
قصر مترشق خيال
بدون حرس
وردة ميت مليون
نحلة منها اتقرص
تقوليش متعلق فوق رقبته
مية جرس
تجذب كل شاردة وكل واردة
عن الونس
بقلم / محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.