كنت بالنسبالها غلطه ودلوقت بتدفع تمنها وكل شويه تشوه سمعتها.
لو جوزها عرف هاتبقى كارثه وتكون دافع لإنفصالها.
عامل فيها دنجوان طب كنت اتقدم واطلب ائدها.
جاى وعايز ترجع أيام زمان طب كنت لبى رغبتها
ولا كله كان كلام ف كلام وجاى دلوقت عايز تجرحها
ودلوقت إحلوة ف نظرك بعد ماغيرك اتجوزها .
كل شويه تهددها وعايزها تطلب الطلاق من جوزها وتتنازل عن أولادها.
ياراجل حرام عليك إرحمها وبلاش تكون دافع لفشالها.
تيتصل بيها وهى ف حضن ولادها وعايز ميعاد عشان تقابلها.
فين العدل فين الرحمه لما تخاليها تخون معاك جوزها وتفسد أخلاقها.
كل شويه تحسبها وأصبحت نقطه سودا ف حياتها وعقبه واقفه بتواجها.
كل يوم دمعه ع خدودها وخايفه لا تفشل ف حياتها .
خاليك مثل اعلى بالنسبالها وزكرى جميله دايما ف نظرها.
و عايز كل شويه تفضحها وتشوه صورتها قدام أهلها وصحابها.
اوعى تفتكر انها هاتكون مبسوطه لما تبعد عن ولادها الأم ام حتى لو باعت شرفها.
هاتمر الأيام وهاتحس بأخطأها وان ف رب ف يوم هايحاسبها ع أعمالها.
هاتروح فين من رب العزه لما تدخل النار بسببها وتكون دافع لطلاقها.
اهدى وابعد عنها وخالى الحب مجرد زكرى تفتكرها وقت الوحده والأيام الصعبه اللى بتواجها.
واتمنالها السعاده وبلاش تقف ف طريقها وعايز تخرب بيتها
وخاليك راجل دايما ف نظرها دا كل شئ نصيب وقسمه وربنا اللى بيحددها.
ياسيدى عرفنا انك الحب الاول بالنسبالها لكن كان ماضي وانتهيت من حياتها.
بلاش عند ومجادله وكلام مالوش لازمه دى حقيقه وشاعرالعصر بيوضحها.
موجوده ف مجتماعنا وانا عن نفسي بنقشها وبنحاول نعوض سنين جراحها.
دى قصيده مهمه هاتنفعنا لما نعدل من عيوبنا ونفتكر اخطأها.
شاعرالعصر صاحب كلمه لها مضمون ومعنى بس نقدر أحكامها....
ليها رب اسمه الكريم قادر ف يوم ينصرها
الشاعر/طاهر مختار عتيت
شاعرالعصر/تحيا مصر
طنطا/كفرالزيات/اكوه الحصه
الحمدلله ع نعمة الإبداع
الأربعاء/٣/١/٢٠١٨
الساعه/٥/٣٠ ص
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.