يسقط التشاؤم *** بقلم السيدابوطاحون
*********
لسه فيه في الدنيا ورد
لسه فيه في القلب نبض
لسه فيه في البحر ميه
لسه مالكين الهوا
لسه في الضحكه دوا
لسه فيه لنهارنا غد
لسه فيه في الشمس نور
لسه تحت القمره ود
لسه فيه للشجره جدر
لسه فيه للهمسه مد
لسه فيه أطفال جمال
حبهم مالهش حد
لسه فيه عيون تقول
احلى كلمه واحلى رد
لسه فيه عصفور بيزقزق
لسه فيه أشياء جميله
تستحق نعيش في نورها
تستحق نموت عشانها
ولا ايه ؟ !
***********
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.