صيحة عاشق
ليه يا حببتي اترهلت وبقيت عجوز
من كتر عيالك ولا فساد وكله يجوز
طول عمرك غصن لبان طارح موز
ناكل ونشبع ونعطى كل اللى يعوز
واحد ثلاثين سنه يقطعوا فى جدورك
نسووا أولادك قوانينك ووعودك
الخير كله بيضيعوه فى وجودك
يتجمعوا فى وسطك وسايبين كل حدودك
علميهم تانى ومن جديد
احترام العمل والمواعيد
وسن قوانين من جديد
التسيب ليكى مايفيد
للعمل ايد من حديد
فى الصحارى وكل جديد
من غير قهاوى ومسك سيره وحواديت
اهتمى بتعليمهم وصحتهم
ويلاقوا فيك راحتهم
ويتم عليهم فرحتهم
ياغصن لبان هيطرح فى واحتهم
*****محمد المنفلوطى*****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.