العيد
يجيني العيد
ومتل الناس أتجهز
وألبس أحسن تيابي
و مستني مع ولادي
وأنا..يا عيني أنا..
مستني و متمني
يدق بابي
كل عيد
أخبي فرحتي لبكرا
أقول بكرا
يجينا العيد من تاني
لا بد الدني تتلج
و القلوب تصفى
وربنا يفرج
بكرا أخويا
يجيني
يشيل همي
يواسيني
بكرا أمي
تباركني وتحضني
أتاري أخويا
ماله بالعيد
وامي يا عيني
مسافره بعيد
وأنا ..يا عيني ..أنا..
مستني و أتنهد
و أتاري تلجيا أسود
صبرت سنين
وقلت ما غادر
و صاروا الناس
يا عيني الناس
مابين شهيد ومسافر
وأنا.. وحدي انا..
يا عيني أنا..
بقيت المهاجر
بقلمي
مروان خلوف
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.