قصيدة((قلبك حجر))شعر \\تامرابوهيبه
مليون خساره مليون خساره
قلبك ماهواش زي قلبي
حبك ماهواش قد حبي
قلبي أنا حب بضمير
وحبي يا غاليه كان كبير
وقلبك إنتى كان حجر
فيه كل الوان العذاب
واسف نسيت انك بشر
فاكرك ملاك وانتي الهلاك
وتاه الطريق بينا وانحصر
وقلبك إنتى كان حجر
كل الشموع بينا انطفت
وحاولت اشيل منها الجفا
سالت دموع واتحطمت
متشوقه للحظه وفا
وقلبك إنتى كان حجر
ورجعت ادور والساعات
متشوقه لبرهة سكات
حتي اللي فات من ذكريات
أصبح رماد تحت المطر
وقلبك إنتى كان حجر
وأنا مش هالومك يوم واقول
حطمتي جوايا الامل
بقي مستحيل بعد السيول
تاني الصخور ترجع جبل
وقلبك إنتى كان حجر
مليون خسارة مليون خسارة
شعر\\\ تامرابوهيبه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.