الى المواطن أمير:
ياعم أمير خليك أمير وألزق جنب الحيط بأمير
وبلاش تفكير ولا تغيير وخليك نايم بدون تفسير
ولاتشغلش بالك ولاتفكر فى اللى جرالك وان كان كبير
ياعم أمير ..عارف بأن الدنيا اتغيرت واتبدلت كتير
واننا فقدنا التعامل الحسن ولا تزعلش ياحسن يامدير
ياعم امير فين اصحابك ولا المصلحه خلصت ياكبير
فين الاهل والخلان اللى كنت بتخدمهم بدون تحوير
ياعم أمير بلاش تحضير لعوده تانيه فيها ضمير
مش يأس ولا احباط لكن احتياط خد لنفسك تقدير
والمشكله انك اتربيت وعلشان كده امشى زى مانويت
بكرامه مانتاش عبيط لكن العزله لازمه بدون تبرير
الاصل حفظ الكرامه وياما قالوها اعرض عن الجاهل
عن الغدار عن اللى يضايقك عن اللى صحبته تعكير
صادق الصادق واللى دمعته سابقه بكده تبدأ التغيير
-----------------------------------------------------م/حاتم شلتوت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.