أسمعيني
,,,,,,,,,,,,,,,,,
اسمعيني و افهمي
معني كلامي لحد اخره
سايبك كتير تتكلمي
كلام كتير انا لسه فاكره
لو كنتي بتقولي الحقيقه
بكلمة صادقه او بريئة
كنت جايز اصدقك
ما انا من زمان و انا
كنت عايش بعشقك
لما بتقولي بحبك
كنت اطير فوق ف السما
و احزن كتير لو شفت انا
دمعة ف عيونك ,, متألمة
و اقول خلاص ,, انسي اللي كان
احزاننا فاتت من زمان
و الوقت دا صبح ما بينا انتي و انا
لكن برغم حنيتي و صبري عليكي
اتبددت احلامنا ,, و ضاعت بين ايديكي
اختارتي سكة ما شوفتهاش
و عيشتي دنيا ما عشتهاش
و حبي ليكي ضاع بلاش
و كأن قلبك لسه بيا ما حسهاش
لا اسمعيني ,, و ف كل كلمة صدقيني
بقولهالك بصوت مخنوق ,, خلاص مليت
لا انا عاشق ,, ولا معشوق ,, يا ريتني ما جيت
يا ريتني فضلت انا وقلبي صحاب و أكتر
يا ريتني ف يوم ما قابلتك ,, خلاص بعدك ما بيأثر
انا راجع اعيش وحدي ,, و من غيرك هكون راضي
و اجدد وعد ايامي ,, و ارجع للحياة عادي
وابدل ظلمة الايام ,, لنور ساطع بيملا الكون
و اضحك تاني من قلبي ,, و لو شاوروا ,, و قالوا مجنون
لاني لو لقيت نفسي ,, هافكرها بكل ما فيها من احلام
لا هارجع يوم اعيش مجروح ,, ولا هارجع اعيش اوهام
بقلم الشاعر / ياسر عبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.