من تراب لتراب والطين عايش فينا
عايشين وبقينا والطين نشبه لبعضينا
من كتر الاسى من غيطان
ميتها صرف ومغطينا
فى اكلنا وشربنا حتى الزرع
لون خضاره راح وجه يعزينا
ماعدش طعم ياخال ولاحتى
الميه اللى نشربها بتروينا
سمك نصطاده بالكهرباء
والسم لباقى الحصيله بايدينا
ونقول تلوث ومغص ومرض
ونرجع تانى نفسد اراضينا
كان الاجداد بيتغنوا بماء النيل
كان كل حلمهم البركه تحمينا
ماهو الرضا من الرحمن
غايه واصل وشوق امانينا
ومن تراب لتراب وصوت
اولادنا.. احفادنا.. ينادينا
فين الامانه ياخلق ياريت تغيثونا
---------------------------------------------------م/حاتم شلتوت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.