محدش تاني يسألنى بقلم الشاعرالغنائي حسن عز الدين

محدش تاني يسألنى ✊✊

يقول مالك ...

سيبونى فى جرحي

وأنا هقدر بأيدى أداوية ..

بلاش أسمع مالك خير

ولا أية حالك ..

عشان الجرح أنا بس

إللي حاسس بية ..

لا هقدر أني أقول مالي 

ولا أشكي فى يوم لحد عن حالي

ولا إنسان يشوف دمعي 

ولا كل اللى حاسس بية ..

هعدى المحنة بسهولة

بإذن الله و محلولة 

دي أزمة مسيرها وتعدي

دة حتى العمر بيعدي

وانا بس اللي كنت العيب ؟

رميت نفسي فى وسط النار 

كتبت لقصتى نهاية بدون مشوار

رميت الحلو من أيدى بدون مختار

كتمت همومى جوايا وقلت اسرار

واتارى القصة مكتوبة ومحسوبة 

وانا اللى غلطت كالعادة وانا بختار ..

يعيش الجنة وانا عايش

يموت بهمومي وسط النار ..

أنا إتعلمت أدوس على قلبي وأتحمل

عشان طيبتي اللي جوايا

أذيتني كتير ..

مفيش حاجة هتمنعني 

مسيرى فى مرة راح أكمل

كفاية طول حياتي عايش

في وهم كبير ..

ومش هسكت على حقي

وهتغير ومن حقي

أعيش مرتاح ومش خايف

طريقي خلاص أنا لقيتة

وعيبي نسيته ونهيته 

مكنتش من الأساس شايف 

وانا دلوقتي هتغير 

ومش خايف .....

الشاعرالغنائي حسن عز الدين