شعر عامى
صرح الحروف
...................
جوا منى الحرف صالب
لا يطاطى للمواكب
زرعت فيهم حب أصله
زى كوكب م الكواكب
حرف زايغ م المشاعر
يا ما حلمه يبقى شاعر
يلف يدور على المواصب
ولا مره كان للجهل واصب
حرف طاطى للفرح ياما
ساب فى عيونهم علامه
لما شاف الغدر منهم
لاذ يغادر بالمراكب
حرف عايم ع السطور
يمحى الظلام بنور
حسهم كأنه موج بحور
فى الكاسات منه شارب
مره يبقى طعمه مرار
فيه عتاب للمعاتب
وياما بقلبه كتير أسرار
ولا عمره مره للسر صابب
حرف نادى
حرف بادى
حرف يزيد فى عنادى
حرف مثل الدمع سايب
حرف جارح
حرف طامح
حرف زى البسمه رايح
لعب الريح بخيوط العناكب
حرف ياما عاش مراحل
جوا منه الفرح راحل
راح يدور ع الأساس
التقى جرحه بالمخالب
حرف حالف
يكون مخالف
لأى قاعده من القواعد
أو أى منصب م المناصب
رحت أبحث عن إجابه
فى قلوب مش مجابه
شوفت غرورهم رحت باعد
رحت باعد رحت هارب
حرف صافى
حس دافى
بين قلوبهم حب وافى
إبتدأ ملهوش متاعب
حرف شارد
حرف سارد
حرف يرتب لك قصايد
للحنين والأشواق محارب
حرف رافض
حرف راقض
حرف لإحساسه نابض
يمحى ليل ظلامه غالب
......................
كلمات الشاعر على سالم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.