أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأربعاء، 25 أكتوبر 2017

فتحنا المزاد .... / بقلم الشاعر / كريم درويش ( شاعر مصرى )



فتحنا المزاد
والكل جاى يشترى
هنبيع كل جاجه
ولكل حاجه مشترى
هنبيع القلوب
هنبيع الزمان
الحب والامان
اول حاجه معانا
اسوة الايام
ها قولت كام
مين يزود؟
مين كمان؟
الا اولى الا دولى الا ثرى
خلاص بعنا الايام
,,,,,
نرجع تانى المزاد
إحنا بنبيع اللى كان
هنبيع السلام
إحنا بنبيع المحــبه
والمودة والعشره
والطيبه والحنان
زى ما باعت حبيبتى
زى ماباع صاحبى
زى ما باع الزمـــــان
وسقانى الحرمان
إحـنا بـنبـيع اللى كان
ها قولت كام
مين يزود؟
مين كمان؟
الا اولى الا دولى الاثرى
خلاص بعنا الامان
,,,,,
نرجع تانى المزاد
هنبيع الشوق
الليالى الحلوة
والمحبه
فكرونى وحب إيه
هنا فى المزاد
خلاص فات المعاد
ها قولت كام
مين يزود؟
مين كمان؟
الا اولى الا دولى الاثرى
خلاص بعنا
الحب اللى كان
نفتح تانى المزاد
,,,,,
كله ينزل عالـرصيف
الكل يدخل فى الـمـزاد
,,,,,
هنبيع ذكرياتنا الجميله
كل إحساسنا بـحياتنا
والبسمه اللى لينا
وذكرياتــنا كــل لــيلة
وورد قطفناه بايدينا
حتى قصتـنا الجمـيـلة
والامانى المستحيله
كـل أشــواق الـبـعـــاد
كـله داخـل فى الـمـزاد
ها قولت كام
مين يزود؟
مين كمان؟
الا اولى الا دولى الاثرى
خلاص بعنا الذكريات
,,,,,
نرجع تانى للمزاد
هنبيع الغشاش
اللى ماشى وسط الناس
ناسى نفسه وبينصح الناس
وكل نصيحه منه ببلاش
قاللك بلاش تجرب
زى ما جربت قبلك
واوعى حد يغشك
واوعى قـــلبـك
ينخدع من كلمة حلوة
أو يـصــدق فى الحنان
ها قولت كام
مين يزود؟
مين كمان؟
ألا اولى الا دولى الاثرى
خلاص بعنا الغشاش
,,,,,
نرجع تانى المزاد
إحنا بنبيع اللى ميسواش
واللى غدر وخان وباع
لمسة الإيـد اللى هـانـت
رعشة القلب اللى هــان
ودمعه كسرها النسيان
كل أوجـاع اللى فـــارق
واللى داق معنى الهوان
الشيطان اللى فـ شكل انسان
كـل نسـمة حلـوة هـفـت
من سطوح بنت الجيران
كل كلمه عليا عدت
كنت عليها يوم ندمان
ها قولت كام
مين يزود؟
مين كمان؟
الا اولى الا دولى الاثرى
,,,,,
نرجع تانى المزاد
هنبيع القلب اللى هان
إشترى قلب وفــاصل
فى اللى كان واللى حاصل
وواحد بينا كان
لمـــة النــاس الـحبــايــب
والــسـؤال على كـل غـايب
وواحده كنت فيها دايب
كل كلمة قالها راجل إبن راجل
واحنا كنا معاه زمان
ها قولت كام
مين يزود؟
مين كمان؟
الا اولى الا دولى الاثرى
خلاص بعنا القلب اللى هان
,,,,,
نرجع تانى المزاد
هنبيع الحاجات الخالده
كله روبابيكيا
كلـــه خــردة
شروة واحـدة
من غير نقاش
قسط كاش
قول يابلاش
الشهامه والموده
وأم لينا والده
الحضن كان بيضمنا
من اسوة الايام
ها قولت كام
مين يزود؟
مين كمان؟
الا اولى الا دولى الاثرى
خلاص بعنا الحاجات الخالده
,,,,,
ننهى المزاد
ما الهجر فى الطبع بان
بعنا الحكاوى والكلام
واالغرام والايام
حبيب كنت ليه وليا كان
المزاد لسه مفتوح
كل يوم هنبيع حاجات
احلى الامانى والذكريات
هنبيع برخص التراب
اصل العيب فينا
واحنا
اللى بننسبه للزمان
شاعر مصري

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.