يا ناس .. .. هذيان قلم : : محفوظ البراموني :

يا ناس ..
إسمعوا حرف له إحساس ..

ف ناس و ناس ..


ناس ..
مش زي ناس ..

أبيض إسود محتاس ..

مش عارف لونه بين الناس ..

رمادي ممكن شيطان وسواس ..

و ناس ..
ملايكة جنود ل الأحساس ..

ليهم ريحة جميلة ب طعم الأناناس ..

بريقهم لامع ساطع بارع فارع ك الماس ..

ترش بسمة البهجة و المهجة و اللهفة ل الناس ..

و ناس ..
ولاد أبلسة قلوبهم حديد و مخلوط ب النحاس ..

عايشين لكن مغيبين مغفلين ميتين راحوا بعد قفل الأنفاس..

لما تشوفهم نفسك تضربهم ضربة قاضية ع الآفة و الراس..

و تفرتكهم و تقطعهم و تفتتهم حتت محتحتة ب الفاس ..

و ناس ..
يمسكوا التراب يبقى أغلى و أعلى من جمال الماس ..

و ناس ..
طول عمرهم متمرمغين عايمين طلعوا ع أكتاف الناس ..

و ناس ..
وششهم نحس منحس منحوس نحاسة نحيسة مفيش إحساس..

ايوة الدنيا كلها ..
ناس و ناس ..


ناس ..
طيبة عايشة ب روعة الإحساس ..

قنوعة هادية ليهم وشوش ب تبرق ك الألماس ..

ناس ..
إتخلقت علشان الكون يكون لا ينداس ..

و ناس ..
لو قابلتها إمسك فيها ده مكسبها لا يقاس ..

ناس ..
خلقها ربنا ب قلوب صافية طاهرة طيبة لا تعرف وسواس ..

الدنيا كلها ..
ناس و ناس ..

هذيان قلم :
: محفوظ البراموني :