..........الظلم....عامية
الليل مظلام
والنجوم احزينه
امكحل اعيونو
على ناس لغبينه
اللي كيعانيو
مَبَقيِلْهُمْ غي
الدفينه
شي اداها اسمينه
أُو شي عايش
فالكبينه
فين غادي بينا
يا المركب
فين غادي بينا...
راه لمواج العاتيه
يمكن ادمر
السفينه
والغاشي يمكن
ايثورو
إخربو كل قريه
وامدينه
الدمار إولي
يتحكم فينا
والسلام يمكن
يهجر لبلاد
ويخلي الناس
فالروينه
أو تحراااام
العيشه
والناس ادجي
اتعزينا
فينك يا امي
لحنينه
حني اعلينا
ادعي امعانا
اتولي عشرتنا
زوينه
ويبعد الظلم
اعلينا
وانعيشو إخوان
ناكلو خبز يدينا
الواد إلى احمل
راه بسباب
القهره والحگره
أُو ما قاسينا
كلشي إجي بالتويل
والحكمه...
راه تخمام ليله
يمكن إسبب
الويله
شوف الگميله
اللي على نار
هاديه
شحال ابنينه
هكذا نتواصاو
القوة متغلبش
الحيله
والفيل إلى اطغا
منزيدوهش فيله
محمد مهداوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.