أنا حر ..
أنا حر .. لا مجبر ولا مضطر ..
صوتي من دماغي ..
ماباخدش من حد أمر ..
لا مكسور جناحي ..
ولا شئ راميني ع المر ..
يعني .. لو مغرور ..
ونفسك تعيش الدور ..
على حد غيري اتغر ..
أنا حر ..
يعني لا غرقان ف حبك ..
ولا شايفك مرسى وبر ..
أنا بس عجبني حرفك ..
إنما واقف على برك ..
ومش غاوي نزول البحر ..
أنا حر ..
راسم ع السما أحلامي ..
وغازلها خيوط م الصبر ..
ودايما باصص أدامي ..
وانت ف حروف كلامي ..
ماتكملش سطر .
أنا حر ..
سلام يا حلو الكلام ..
والعيون السمر ..
أنا مش غاوي غرام ..
وليالي ف الأوهام ..
نهايتها نور الفجر ..
أنا حر ..
لا مجبر .. ولا مضطر ..
بقلمي/عادل محمود ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.