( لا أنا مخلد ولا فانى )
أنا مش حر وفيكى بمر
بأصعب حالة فى زمانى
كابوس عمره ما يتغير
بعيش واحلم أموت تانى
وأيامى بتجرى تفر
وسايبة الحزن أدامى
ومتعلق على أشة
وحتى الأشة سيبانى
ملاكى الشوك ومش قادر
أحبك وانتى كرهانى
وقلبى عليكى متحسر
وسابح فيكى وجدانى
على راسى أنا شايلك
متبت فيكى بسنانى
فيبقى جزاتى ترمينى
وطول العمر ديسانى
أنا عاشق تراب رجلك
أنا المظلوم مين الجانى
منايا بجد أطير ليكى
وأسوارك محوطانى
وصالك ليه نبض حياة
بنار البعد كويانى
وعايش فيكى متحير
لا انا مخلد ولا فانى
لا انا مخلد ولا فأنى
بقلمى / أسامة عياد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.