( ويــــن ألـــگــاك )
وبن آلگاك روحي
التايها بلياك
يالناسي آلتعب
والتعب ماينساك
شگد سهله عليه
أنطيك
وصعبه عليك
كلمة هاك
ويــــن ألـــگــاك
أبسرگي ألبوب أدور
أثر چف حناك
هلبت أثر منك ظال
عالجدران عل الشباك
ويــــن ألـــگــاك
بالكت كاتب أعله الباب
من ذكراك
يالمونس ألفاگد لو
گعد وياك
ويــــن ألـــگــاك
يالكلك شمس ثق يعمه
من يدناك
يالكلك شفايف يحچي
كلشي البيك
حتى أبعظلتك گمت
أنه أشك أشفاك
ويــــن ألـــگــاك
حضنك والده بشبچة
أضلوع الليل
أبعز البرد دافي
وماأحس بشتاك
ويــــن ألـــگــاك
صوتك سلسبيل
يسلم عالروح
يدغدغلي بدليلي
من يمر طرواك
ويــــن ألـــگــاك
منين أنجيب عيسى يرد
لجسمي ألروح
تشوف ألناس عدله وهي
من موتاك
ويــــن ألـــگــاك
موسد للمنيه وأصرخ
أنه أهواك
يالضايع عليه وضاع
حتى أدواك
ويــــن ألـــگــاك
بروحي ألعنكبوت من
ألعتك هالحاك
لاعشت بسمه الله
ولاعشت بسماك
ويــــن ألـــگــاك
ماتت روحي هيه
وهسه تتمناك
خل الجسد يفنى
ألروح تتعناك
ويــــن ألـــگــاك
ويــــن ألـــگــاك
ويــــن ألـــگــاك
بقلمي المتواضع
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.