قصرك ياملاكى
اه ده قصرك ياملاكى
ياترى هيكون فيه سعدى
ولا هيكون فيه هلاكى
اه بنيت لك قصر عالى
كل طوبه مشتاقه لك
امتى هتكونى حلالى
والورود تسال عليكى
مشتاقه لنظرة عينيكى
والنسيم يرسل سلامه
بس مين يفهم كلامه
كل شئ فى الكون بيفرح
حتى قمر الليل بيسرح
شرفى قصرك / تعالى
خلى نجم الليل يلالى
ده انتى اجمل م الجمال
ده جمال فوق احتمالى
قلبى داب والله ف هواكى
عينى مابتشوف سواكى
فوق بيبان القصر جُمله
منقوشه بعطر المحبه
هو ده سكنك ملاكى
شعر احمد اسماعيل / شاعر العرب
