عشان اب
......
خبينى ف عيونك قوى
و إداري م الأيام ف زمنى
انا بيكى ع الأيام قوى
و بلم احلامك ف حضنى
و الخوف اذا فرفط زمانك
حافرد سنينى شبك عشانك
وإن جف عمرى بين عيدانك
ضمى براح الروح ف جفنى
.....
انا باختصار جوايا اب
شاف عمره متبعتر قصاده
ايه بعد موت الحلم صعب
لو جف ف غصونك معاده؟
خلينى أعيش نزعى الأخير
و انا لسه فى قلبك أمير
من حزنى بيكى بستجير
و العمر ف عيونك بلاده
....
بحرس بواقى العمرفيكى
يا آخر الحلم المباح
و نهايه الأحلام عينيكى
لو لسه ف الأيام صباح
والصبح بان لو انتى بنتى
و الحلم راح لو مره بنتى
يا بكره يا أمى و بنتى
ومفيش حياه من غير جناح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.