امسيات الحسن . .17/ 12/ 2020
قصيدة
( ضل القمر )
بقلم الشاعر : حسن حلمى
في ليله طل القمر
علي ضل وردايه
طالت ليالي السهر
وضحكتله ضحكايه
وفي ليله دق الوتر
علي عود بلا اغصان
دندن وقال يا سلام
لو يوم يعود بيناالزمان
ليفكرو اللي كان
وكان ياما كان
انا اللي دخلت بستانك
رويت الزهر علشانك
ليطرح وردو قدامك
بلون وردي علي خدك
يغار الكل لو شافك
ويسال مين سقي وردك
اقول النبع شرياني
ومن وتره حنين جاري
دا باع الكل علشاني
وخلي عيونه خدامي
لا يغمض جفنه بليالي
ليطمن علي حالي
وبيسالوك يا زمن
ايه غير الاحوال
قولت القلوب اتبدلت
والنبع جف حنان
من بعد ما زهرت
الورده بالبستان
فردت ورقها بشوك
تجرح ايادينا
وتقولي بهدي العبير
لحنين اهالينا
وسالت ايه السبب
قالت
مفارقه اراضينا
غنيت وقولت
يا عين
احكي لاهالينا
ورد الجناين طرح
علي الخضره والميه
راحت ليالي الفرح
من بعدك يا ورديه
والشوق ملاني غرام
سهرلي انا عينيه
ومنين نجيب المنام
ومفارقه اراضيه
انا كنت عاشق يا ناس
بالبحر جنيه
فردت رموشها بموج
لركب معديه
وغزلت شباك الهوي
تحضن مراكبيه
نسيتني اهلي وناسي
ورمتني في الميه
وعجبي
عليك يا زمن
فيك مين صافي النيه
بقلم الشاعر : حسن حلمى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.