..سنه.. أشعار الشاعر/ شريف توفيق

 ..سنه..

سنه ما فارقانا بالسلامه ..

وسنه جايه معاها أبتسامه..

سنه سابت جوانا علامه ..

شوفنا فيها ياما كتير ياما ..

سنه فرحه ودمعه فراق ..

سنه عدت خيل ف سباق ..

سنه طوت سطر ف أوراق..

سنه جايه معاها أشواق..

سنه عدت بحلوها ومرها ..

سنه بعدت بخيرها وشرها ..

سنه جايه تنقص من عمرها ..

سنه جايه بخفاياها وسرها ..

سنه وباء أتفشي هد البشر ..

سنه أبتلاء علي كل البشر ..

سنه قرب وبعد فيه الخطر ..

زي سيل ميه سببه المطر ..

أشعار

الشاعر/ شريف توفيق

مصر/٣١ ديسمبر٢٠٢٠م