ياسهرانين
ياسهرانين والليل
طويل ع المجاريح
فاتشي عليكم قمرى
أبو الوش ناير
ادانى هنا ميعاد
طلوا عليه ياولاد
راح الجميل وهجر
لا حس ولا خبر
اوصافه هى هى
شعره منتور
ورا ضهر النور
دهيبى وبنور
قمري ياناس غندور
ليه بيقولولى !
سيبك منيه! !
ياولدى مالك بيه
دا...العسس حواليه
وصوت القمر مقصود
والباب عليه مرصود
يمكن يكون محسود
لابسه عفريت الإنس
يمكن ساكنين ف عنيه
دا..قمرى ياناس
الضيا مرسوم بجبينه
مالى حبيب غيره
كل الدفا ف ايديه
مش ح انده إلا عليه
قمري حنانه ف صوته
هو النصيب ولاقيته
ياسهرانين والليل
طويل ع المجاريح
فاتشي عليكم قمرى ؟ ؟
انا مستنيه
انا مستنيه. . .
بقلمى
حمدى البوقي .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.