قلبى فى هواك
************
انا قلبى لهواك انت امر
يااللى انت اجمل م القمر
ده هواك لقلبى ده قدر
ده انت روحى رايحه ليك
عمره ماكان حبك خطر
ياما زمان حلمت بيك
افضل اقلب فى الصور
يمكن الاقى صورة ليك
مهما تقول قلبى مسامح
ولاعمرى ازعل من عنيك
بلاش يكون كلامك جارح
ولامتى انا هاترجى فيك
ده انت فى قلبى من زمان
والبعد بينا مالوش مكان
مهما يكون ولاحتى كان
انا حب عمرك انا كلى ليك
عمرى ماافكر يوم اسيبك
ده انت حبيبى وانا حبيبك
مالك خيالى وكل كيانى
انا ايه جرالى ناديت عليك
انت فى عينى اجمل قمر
ولا القمر ينافسنى فيك
حبك على قلبى امر
كفايه نظره من عنيك
عمرى برضه انا عشته ليك
ماضى وحاضر وبكرة ليك
اخر كلام انا قولته ليك
انت فى القلب وعنيه ليك
واقول من اول المبتدا
واسمع كلامى ليك كده
ابدا ده حبى لك بدا
وقلبى عمره مالك يخون
ياريت انا اللى انول الرضى
وتكون حياتى معاك تكون
من فرحى مايسعنى الفضا
ولقلبك طول عمرى اصون
الغيره مالهاش بينا مكان
مهما يمر بينا الزمان
حفضل انا وانت كمان
مع بعض مهما يكون
اسقيك بايدى انا الهنا
والفرح كله موجود هنا
من كتره تقول يادى الهنا
ومعايا تنسى كل الظنون
حبك فى قلبى علم سنين
ومهما كان جرح وانين
ولامر على علينا من صعاب
هافضل انا القلب الحنون
انا حبى لك من غير كشوف
تعبان انا ومحتاج دوا
واقولها ليك من غير كسوف
ولازينا مين فى الهوى
انا عمرى ماتمنيت عذاب
فى حبك انت انا قلبى داب
اخاف تسيبنى للظنون
خلى الامل هو الدوا
وانا قلبى يفرح بكلمتين
لماتقولى يانور العين
عقلى يتوه قلبى يلين
وافرح معاك فرحة هنا
غنى وقول غناك جميل
وعلى غناك قلبى يميل
غناك يداوى قلبى العليل
والفرح يبقى يضمنا
حودع الكل عشانك
وزى مايتصور خيالك
انت تقول اللى ف بالك
وانا هافضل اسمعلك انا
انا حلمى اكون معاك انا
خدنى الحنين اليك سنه
وفى لحظه فوقت من المنام
لقيتك نسيت حبنا
وهان عليك كده قلبنا
بعد اللى كان بينا زمان
راح واتنسى وكان ياما كان
فكرك نرجع اللى كان
ونعيشه تانى انت وانا
ونعيشه تانى انت وانا
*******************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.