(((((مش هاتكلم )))))
مش هاتكلم في
التفاصيل
علشان إبن بلد
وأصيل
شَوِّهي شكلي
وزِيدي مشاكلي
خلي الدمع
بِكِدب يسيل
/////٠٠٠/////٠٠٠٠٠/////٠٠٠٠٠///
قولي نسيتيني
قولي بيعتيني
ياللي بعندِك
ضيعتيني
وإنفي حقيقة شايفها بعيني
حتي إن قلتي
شئ مش حاصل
كلامِك واصل
بس إتأني
وقولي وغني
وإبقي إستني
ل بعد الفاصل
ياللي كلامك
كله يضايق
قوام في دقايق
داريتي حقايق
وكل كلامك بان تمثيل
/////٠٠٠/////٠٠٠٠٠/////٠٠٠٠٠///
وأنا علشان جدع وأصيل
مش هاتكلم في التفاصيل
أنا راح أصون العيش والملح
وأنسي معاكي كل الجرح
أنا كدا فاهمك
عايشة في وهمك
بس لعلمك
كدا مش صح
لما تقولي وجهة نظرك
إبقي إختاري بحكمة عذرك
ياللي بكِدبِك عاجبك نَفسِك
وكله عندِك بقي تحصيل
مش هاتكلم في التفاصيل
الشاعر 🌹 شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.