( عشقت صبيه)
بقلمى الشاعر محمد غبن
شاعر آل غبن
28/9/2020
عشقت صبيه سمرا
وجميله زي سمار أرضك يانيل
برغم إنى حنين قوى بس
للأسف حظى في الدنيا قليل
لاء وكنت بقول لنفسى هى
فرحة شقايا العمر الطويل
أتارينى توهت يانيل
وإتعلقت بيها ومعملتش حساب
إن في يوم الحب يمشى
في طريقه او يبقى وهم كداب
متفهمش غباوه ولا فرحه
زايده وفكرت إني من الأحباب
عارف يانيل اللي حصلي أيه
اتعلقت بحبل كان شايخ و داب
مش قولتلك ومصدقتنيش
إنى ف الحب مليش نصيب
وهي غلطه وبدفع تمنها
وظنيت ف يوم هكون حبيب
حتي لون سمار أرضك
سابتنى تايه وعايش وحيد
بعد ماقلبي اتعلق بيها
وحس بنبضه بيجري ف الوريد
واضح و باين يانيل اللى
زينا ملهش إنه يعيش سعيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.