( واتجمعوا الحبيبين )
لاعيني بتنام ولا طيف حبيبي بيزورني
محيرني ومش عارف ناسيني ولا فاكرني
وبعد ماكان بيني وبينه أحلي كلام واحلي غرآم
بقالوا يومين بيعدي عليا مابيرمي حتي السلام
شغلني واعمل إيه وإيه ذنبي وليه محيرني
حرام عليك حبيبي طمني ايه اللي حصل ارحمني
والحب اللي بيني وبينك راح فين ليه تعذبني
ان كنت زعلان وواخد علي خاطرك مني قول وعاتبني
حيرتني وسهرتني وحالك معايا كتير شاغلني
لو كنت نسيت هوايا وذكرياتك معايا أتكلم وقول
بلاش تعذبني وتسيبني لأفكاري وخداني كده علي طول
سمعني صوتك ليه سكوتك ياحبيبي وجحودك
من يومين كنت اجمل شيء في حياتك والنهارده نسيت وعودك
إيه غيرك وأسي قلبك عليا وانت روحي ونور عنيا
مقدرش اتحمل فراقك ياأجمل شيء في الدنيا
وازاي اعيش في دنيا مش دنيتك ولو حتي ثانيه
ارحمني وقول لو مغصوب علي حد تاني
ولا دخل بيني وبينك عزول من عزالي
اوعاك تضعف او تصدق فيا ده انت كل الأماني
اتاري حبيبي سمع كلمتين من عزول وحسود
وحلف مايكلمني إلاّ بعد مايخطبني ويوفي الوعود
وجاني نور العين خطبني بعد يومين
واتجمعوا الحبيبين والفرحه في القلبين
وارتاح الفكر و البال من الحيره والعذاب
والدنيا مش سيعاني بين فرحة الأهل والأحباب
خواطر ( اشرف الدغيدي. )
حقوق الملكية محفوظة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.