*شوق اللقاء*
مين يقولى
لما يبقى وحشنى صوته
أنا أعمل ايه
كل لحظة نفسى أطمن عليه
النبض زاد م الشوق إليه
ياناس قولولى جرالى ايه
صدفه كانت من غير ميعاد
والسبب براءة عنية
سبقنى قلبى لقيت ساعتها إيدى بين إيديه
حسيت بحاجة الله عليه
حنان إيديه سرقنى من سحر عنيه
هز قلبى الشوق ندانى
حسيت إنى م الهوا بغير عليه
من مرة صدفة لاتلمونى
لوموا قلبى أنا ذنبى إيه
سألت قلبى ليه كدا
وإزاى وليه
جاوبنى يومها بنبض زايد
كل اللى عندى ملك ليه
طاب أعمل ايه ؟
طاب هو قلبى إلى إنكوى
اللى كواه بيحس بيه؟
نفسى ياناس أكلمه
وكل لحظة أنده عليه
بس خايف لما أنده
يسرقنى صوتة
أصل صوتة كل الحنان موهوب إليه
ومن حنانه نبض قلبى ما يجارية
قلبى طاب للقاء
نفسى يداوية
ساعتها أطلب م القدر
على قلبى يصبر ساعة عليه
أملي عينى من جمالة
ونملى حضنى من حنانة
وبعدها موتى ألاقيه
نبيل عبد الحليم
٢٧/٩/٢٠٢٠
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.