بحر الطيبه. بقلم / أحمد شاهين
ما بقيتش بسامح زى زمان
أنا ياما سامحت خسيس وجبان
وغفرت لناس ياما أذونى
فقدوا الإحساس واتهمونى
بحاجات ولا يمكن أعملها
والظلم ياناس بكى عيونى
دلوقتى جايين يترجونى
ويقولوا بﻻش خليك إنسان
ما بقيتش بسامح زى زمان
جرايمكم ليه وحدى أشيلها
حريفه وفى السجن رمونى
دى عقوبه وﻻزم أكملها
ومسيركوا فى يوم هتقابلونى
هتشوفوا الويل منى يا ويلكم
ونهار الناس هيكون ليلكم
هتشوفوا نتيجة أعمالكم
وهتعرفوا أيه معنى جنونى
دلوقتى جايين تترجونى
وتقولوا بلاش خليك إنسان
ما بقيتش بسامح زى زمان
ياللى بتنزلوا بحر الطيبه
الطيبه يا ناس هتغرقكم
ياللى انتوا دموع عينكوا قريبه
والخير والإحساس مبدئكم
أنا كنت فى يوم واحد منكم
نفس الإحساس نفس ضميركم
دلوقت أنا جى بحذركم
ما اتا خايف لا فى يوم تلومونى
دلوقتى جايين تترجونى
وتقولوا بلاش خليك إنسان
ما بقيتش بسامح زى زمان.
كلمات / أحمد شاهين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.