الف رحمة وألف نور.........أيمن حسن العوضى

الف رحمة وألف نور
ع اللي راحو للقبور
واللي عايشين لسه بيننا
بس .. بيننا الف سُوَر

الف رحمة ع اللي كانوا
واللي هانوا واللي عانوا
واللي متحمل هوانه
واللي لسه ف الطابور

الف رحمة ع اللي مات
الف رحمة ع اللي فات
واللي عايش من سكات
واللي معرفش السرور

الف رحمة ع اللي هاجر
واللي فات أهله وسافر
واللي بيداري المشاعر
واللي روحه ارض بور

الف رحمة ع اللي غايب
واللي متساب واللي سايب
واللي فاتوه الحبايب
الف رحمة ع .. الحضور👇
#الله #يرحمك #يابابا
#شاعرالحب 👈 أيمن حسن العوضى 👉