و بتكلمني وانا بره
تقوللي : كل ده تأخير ؟!
سايبني لوحدي زهقانه
وفاتحه الفيس بقالي كتير
اقول : ساعتين خلاص وارجع
انا ف مشوار لكن جايلك
تقوللي : برضه مقموصه
ارد : بس انا هحايلك
فتعمل نفسها اتضايقت
ونبرة صوتها زعلانه
تقوللي : خلاص هنام احسن
اساسآ يعني نعسانه
ارد اوام بصوت هادي :
لا يمكن اني انا هرضي
هصالحك بس بطريقتي
واجيبلك كل يوم ورده
وغزل بنات .. وشكولاته
فتضحكلي واوام وتهدا
تقولي : خلاص انا صاحيه
وهستناك يا روح قلبي
وكله يهون عشان خاطرك
وطظ ف سهري وف تعبي
وبتدلع يا روحي عليك ..
وعمري ما كنت مقموصه
ومن دلوقتي ليك عندي
حضن كبير و 100 بوسه
اقول : بعشق انا قلبك
وعمري ما ف لحظه ما هسيبك
وجوه عنيا متشاله
ده انا راجلك .. وانا حبيبك
تقوللي : بعشقك بجنون
ارد : بموت ف دباديبك 😍
#شاعرالحب 💟 أيمن حسن العوضي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.