قلب خايف ( 130)
......................
ولا حدش قال لك ..
إن إنت في الهوى كداب
ماشي على كيفك وبراحتك
وغيرك في عذاب ..
على طول بتواعد تقابلني
وبتمضي غياب ..
أكتر من مرة بتتهرب
تقفل ليه الباب ..
بستنى ميعادك ولا مرة
تصدق ده كلام ...
بتشوفني تقول ده انت معايا
جوا الأحلام ..
بتضحك على مين وتعشمني
زاد شوقي حرام ...
اسهر وتنام قلبي خاصمني
بان دقه ألااااام ...
والمرة الجايه أنا لك هرفض
ولا حتى سلام ...
بتخاف جواك حد يشوفك
وبتبعد وعايزني ما أشوفك
ده انا أكتر واحد في الدنيا
يغزل في أمان توب من خوفك
لو قلبك حس إنه عايزني
هيقويك حبك ما تسيبني
مش يوم والتاني بتتغير
والخوف جواك شرخ قاسمني
هتحمل ده لإني بحبك
أعذارك خلصت وتاعبني
للصبر حدود هتلوم روحك
وتعيش ندمان دوق في جروحك
وساعتها ممكن تلاقيني
غيرت طريق ما فيهوش خوفك
وكتبت نهايه بدايتنا
ونسيت في وجود حتى حروفك
ولقيت الحب بعيد عنك
وأتمنى هناك تسعد روحك
ويا ريتك تسمع شوق قلبك
وبأيدك تكسر طوق خوفك
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.