مش هأقولك
بقلم..مرقص إقلاديوس
.......
ازاي ننسى المرارة و طعمها في الحلق.
و ازاي ننسى الخيانة
من كتير من الخلق.
و ازاي ننسى حزن امبارح المتجه غربا.
و نفكر في فرح لبكرا
القادم من الشرق.
ازاى.
....
ازاى
مش اكتر من كلمة من ٤ حروف.
لكنها حمالة الف معنى و معنى.
فيها معنى تفتكر.
و فيها معنى تنسى.
و فيها معنى تحن ،
و فيها معنى تقسى.
تعبر بيها عن كل المعاني و العبر.
تعبر عن الإرادة و عن القدر.
تعبر عن اللي صان الود.
و عن اللي غدر.
ازاى.
.......
ازاى
تعبر عن اللي عاش و صبر.
و تعبر عن اللي يأس و انتحر.
و تفضل تكلم عن ازاى
لغاية ما تدور للمعاني عن معاني.
ناس شغلتها تعازي.
و ناس شغلتها تهاني.
و ناس غاوية هدد.
و ناس غاوية مباني.
و ناس ندروا عمرهم كله
عشان يدوروا على المعاني.
ازاى
مش هأقولك.
ملاح بحور الحكمة..مرقص إقلاديوس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.