ردية بين طليعةحمدان وزين شعيب .
طليع حمدان
عل البوابة في سبعين
الزين وزغلول الجذاب
وين بعده خصمي وين
لما يحضر بعده غاب
وحاجة تقلي يخزي العين
يا محمد عبد الوهاب
عندنا غناني السيد زين
مثل سيد مكاوي
زين شعيب
احكي فرنساوي لا تخاف
يا زغلول بهداوي
حمدان بيحكي بالقاف
وما في قاف فرنساوي
طليع حمدان
حرف القاف بعسكرنا
اسأل تاريخ الراوي
كرامة أدهم كسرنا
أكبر رأس فرنساوي
زين شعيب
يابو شادي بغنانيك
عندك صوت بيحيي الموت
ميادة تيجي تحييك
ومن فيروز تربح صوت
لكن بهل عركة ياشريك
فيروز ما بتشفع فيك
ولا ميادة الحناوي
طليع حمدان
ميادة المليانة كنوز
تسأل عني مش عنك
ولما بتغني فيروز
ياشباط بيضحك سنك
وفيروز بعقد الفيروز
نغمتها أحسن منك
وشعري وحنية فيروز
أزرار فات شعراوي
زين
لك الفيروز بفيروزين
عراوي أزرار بفستان
جايي تتمرجل ع زين
بصوتك وصوت النسوان
اللي بعدو ناقص يخزي العين
نشوفك الليلة الحمدان
الحمرة ع خدك رطلين
مهضوم وخصرك لاوي
طليع
اتركني مثل المنتور
لاوي ع وردة حمرا
الفوق حدودي معنوي
الحمرة شربت حمره
يا ابو خلقة مشهورة
تصور وحياتك يابو سمرة
تصور وابعت له صورة
لخيك سامي الصيداوي
زين
لك سامي الصيداوي المعروف
مطرب غنى بيوت النصر
وزين إن خشخش الدفوف
ترقص له ستات القصر
بدنا منك يا ابن الشوف
تتراقص وتهز الخصر
ع نغمة جورجي وسوف
وطبلة أحمد برجاوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.