تحت مظلتنا بقلم الشاعر رمضان عبد الله

تحت مظلتنا
حبيتك من دون البشر
وقابلتك والدنيا مطر
نباضتنا دفت قلوبنا
هماستنا زي العطر

وكنا تحت مظلتنا
وعنينا ياما اتكلمت
وزادت ياما فرحتنا
وجراح قلوبنا اتلملمت

وقلوبنا سمعنا نباضتها
وهماستنا كانت الحان
ودفيت ايدينا بلماستها
ومالت علينا الاغضان 

وسمانا رسمت لينا صوره
والدنيا ابتسمت حوالينا
ومكنش ابدا في ضرورة
يبقى الفراق مكتوب لينا

الدنيا حزينه لفراقنا
ونهارنا مش عايز يظهر
ونجوم سهرانه تفوقنا
بتقولنا حبنا كان مبهر
         --------
بقلمي / رمضان عبدالله أحمد