(( لما سألت عنك )).....بقلم الشاعر .. محمد البريمى ..

(( لما سألت عنك ))
لما سألت القمر عنك .. قالى على طول سهرانه ..

عيونها م بتنمش الليل .. ومن الغرام دبلانه ..

و لما سألت الهوى عنك .. قالى مشغوله بهواك و حيرانه ..

خايفه تظلم قلبها .. و الروح فيك هيمانه ..

لما سألت عنك ..

و لما سألت الورد عنك .. قالى بتعشق العطر من أنفاسك ..

و لما سألت الفل عنك .. قالى بتزرعه ليك و عشانك ..

و لما سألت البحر عنك .. قالى بحرك كافيها عن ألماسك ..

و لما سألت الشعر عنك .. قالى بتدوب ف سحر إحساسك ..

لما سألت عنك ..

و لما سألت الليالى عنك .. قالتلى إنت أشواقها و مناها ..

و لما سألت الطير عنك .. قالى إنت بحرها و سماها ..

و لما سألت الشمس عنك .. قالتلى حضنك بالدفا ملاها ..

و لما سألت الحب ذاته .. قالى .. حبك عن أى شئ غناها ..

لما سألت عنك ..

و لما سألوكى الحبايب عنى .. قلتى دا حبيبى و أعز الناس

و لما سألوكى عن إسمى .. قلتى ينكتب بالدهب و الماس ..

ولما سألوكى عن وصفى .. قلتى مافيش أجمل من كده إحساس ..

و لما سألوكى عن لونى .. قلتى مافيش أطعم م الأنناس ..

لما سألت عنك ..

بقلم الشاعر ..
محمد البريمى ..