يــــبــــان......يــــبــــان
قالوا ناس زمان
قالوا الحق واخة يتعطل
يبان يبان
قالوها وقلبهم عامر إيمان
قالوا :
شحال من دوى لقاوه فسم الثعبان
وسم بنادم ولا فالأذهان
قالوها وماكدبوش
قالوا :
قمح الرهوط ولا شواري دبان
اليوم بغيت نسولك يا إنسان
يا مول لعقل واللسان
يا للي كنتي مفطوم على الحنان
واش داير بدواير الزمان
واش فاهم للي قريتي فالقرآن
ولا غير حافظ وكان
باش يقولوا وينعتوك
شوفو فلان صبح يمشي نيشان
لكن لاحيلة مع الله
يا فاهم الدنيا غلاط
يالابس الجلابة بالمقلوب
شوف لمولاك
وزن فعالك
عاود راسك بالميزان
راه الحق مهما تعطل يبان يبان
توفيق بومدين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.