اكوي جرحك بالإرادة
حتى يطيب ويندمل
طبب نفسك بالهوادة
وابني قصر من الامل
انسى حصولك عالشهادة
وافتكر جواك بطل
كن بصير والنظرة حادة
وانسى لحظات الملل
اتخطى كل السدود
حتى لو حملك جبل
وافرش طريقك بالورود
كل شئ محتمل
كن صادق فى كل الوعود
تفضل كبير وتكون مثل
افرد جناحاتك وطير
انسى لحظات الفشل
جوه نفسك عالم كبير
انت الشباب والمستقبل
خليك فاكر أنك سفير
لبلدك فى كل الدول
الكسل انسان ضرير
بالإرادة اتحدى الكسل
ساهم دايما فى عمل الخير
ربك يحقق الامل
اكوي جرحك بالإرادة
حتى يطيب ويندمل
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.