مش هحاسبك.....علاء الخولي

مش هحاسبك
مش هحاسبك ع اللي عدى واللي فات
انت حاسة باللي ضاع من سكات
كل لحظة كنت اعيشها تضيعيها
واللي باقي بكره يمكن او ساعات

اضمنيلي عمر يبدأ من جديد
وانسى إني عشت احبك من بعيد
كنت اخاف تتمد ليا الف ايد
قلبى يضعف تبقي ذكرى لذكريات
مش هحاسبك ع اللي عدي واللي فات

نفسي اعرف وانت جاية شعوري ايه
راح اجيلك قبل منك ولا ايه
ياللا ننسى في يوم سؤالنا كان وليه
واللي فاتنا يبقى حاجة مش حاجات
مش هحاسبك ع اللي عدي واللي فات

شاعر الأغنية
علاء الخولي