بيت م الرمله . بقلم / أحمد شاهين
بيت م الرمله
والموج بيحاول يوصل له
لو يوصل طب أيه يحصل له
يصبح كومه
وخطاوى بريئة ومهزومه
الطفل بيرسم أحﻻمه
بيت بجنينه
مرجيحه بتحضن نور الشمس
ونجوم بتنور فى العتمه
قمرايا ويحﻻ معاها الهمس
وبيحلم إنه يكون فارس
ب جواده. ببوصل بكرا بأمس
الطفل بيحلم
والموجه بتحاول تهدم أى
بيوت
والريح بتساند وتساعد
والموج بيواصل فى
الجبروت
أحﻻمنا بسيطه ومش باقيه
دايرين بنلف مع الساقيه
والأحر. كل الزرع يموت
والطفل إللى مالوهش
نهايه
جواك وهيفضل جوايا
ونموت إحناااا
وﻻ عمره يموت.
كلمات / أحمد شاهين
9 / 2 / 2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.